Bu gün Azərbaycan Premyer Liqasında ikinci dövrənin son turuna start verilib.

Axar.az xəbər verir ki, 18-ci turun ilk oyunu Sumqayıtda baş tutub. Burada yerli "Sumqayıt" autsayder "Rəvan"ı qəbul edib.

Matçın 13-cü dəqiqəsində ev sahibləri hesabı açıb. Lakin qonaqlar cəmi 14 dəqiqə sonra hesaba tarazlıq gətirib.

34-cü dəqiqədə ev sahibləri yenidən önə keçsə də, cəmi 1 dəqiqə sonra oyuna mərkəzdən başlamağa məcbur olublar.

75-ci dəqiqədə qonaqlar önə keçib. Artırma dəqiqələrində Mikayıl Rəhimovun vurduğu qolla meydan sahibləri məğlubiyyətdən yaxa qurtarıb: 3-3.

Qeyd edək ki, bu gün turun mərkəzi oyunu - "Qarabağ" - "Qəbələ" matçı da baş tutacaq. İlin son turuna sabah keçiriləcək üç oyunla yekun vurulacaq.