Bakıda Xatirə Əsgərovanın idarə etdiyi "Beta" şirkətinə məxsus "Hyunday" markalı avtomobilin yük yerindən çay məmulatı oğurlanıb.

Axar.az Daxili İşlər Nazirliyinin saytına istinadla xəbər verir ki, əməliyyat-axtarış tədbirləri nəticəsində hadisəni törətmiş paytaxt sakinləri Əli Hüseynov və əvvəllər məhkum olunmuş Rəşad Hüseynov tutulublar.

Ətraflarında aparılmış əməliyyat tədbirləri ilə onların daha 5 nəfərə məxsus avtomobildən və 3 mağazadan oğurluq etdikləri müəyyən edilib.

Həmçinin, Lətif Seyidəliyevə məxsus "Topaz" mərc oyunları məntəqəsindən, Aleksandr Mehdiyevə məxsus qarajdan və Mahir İsgəndərova məxsus evdən pul, məişət əşyaları, təmir-tikinti alətləri və ərzaq məhsulları, habelə Elnur Süleymanova məxsus velosipedi oğurladıqları da aşkar edilib.

Cinayət işi davam etdirilir.