Gənclər və İdman Nazirliyi olaraq biz Azərbaycan gəncinin istirahəti, vətənpəvərliyi, intelektual inkişafı üçün böyük layihələr həyata keçiririk.

Bu sözləri nazirliyin mətbuat xidmətinin rəhbəri Səmayə Məmmədova Ümumdünya Gənclər Günündən danışarkən Axar.az-a deyib. O bildirib ki, artıq nazirlik tərəfindən qarşıdan gələn 2016-2020-ci illər üçün nəzərdə tutulan Dövlət Praqramının müzakirəsinə başlanılıb.

"2011-2015-ci illər üçün nəzərdə tutulan Dövlət Proqramı bitmək üzrədir. Artıq nazirlik qarşıdan gələn 2016-2020-ci illər üçün hesablanmış Dövlət Praqramının müzakirəsinə başlayıb. Bütün bu proqramlar gənclərin iştirakı ilə hazırlanır. Bizim üçün bu proqramlarda vətənpərvərlik mövzularının yer alması çox önəmlidir".

Nazirliyin sözçüsü indiki gəncliyin əvvəlki dövrlərlə müqayisədə daha çox şey istədiyini bildirib:

"Gənclər müxtəlifdir. Hər bir gəncin özünəməxsus istəkləri var. Biz son vaxtlar indiki gəncliyin əvvəlki dövrlərlə müqayisədə daha fərqli və daha çox şey istədiyini müşahidə edirik".

Qeyd edək ki, 10 noyabr - Ümumdünya Gənclər Günüdür. Ölkəmizdə isə bu gün 2 fevral tarixində qeyd edilir.