Sentyabr ayında yağ məhsulları bahalaşıb.

Axar.az xəbər verir ki, duru və kərə yağlarının qiymətində artım müşahidə olunub.

Artıq paytaxtın ərzaq məhsulları satılan mağazalarında və bazarlarda yağ məhsullarının qiymətində 2 faiz artım var. Müşahidələr göstərir ki, artım əsasən "Səba", "Möcüzə", "Sana", "Doyaruşka" və digər brend yağ məhsullarında qeydə alınıb.

Yağ məhsullarının bahalaşma səbəbi açıqlanmır.

Qeyd edək ki, ümumilikdə yay ərzində qarabaşaq yarmasının, mal, qoyun və toyuq ətinin, balıq məhsullarının, südün, günəbaxan yağının, almanın, bananın, alçanın, gavalının, şaftalının, qarpızın, yemişin, üzümün, kələmin, xiyarın, pomidorun, badımcanın, bibərin, göy lobyanın, soğanın, sarımsağın, kartofun qiymətlərində ucuzlaşma, düyü, un, kərə yağı, yumurta, limon, şabalıd, göyərti, kök, çuğundur, şəkər və şəkər tozu, süfrə duzunun qiymətlərində isə bahalaşma müşahidə olunub.