Ana səhifə Toplum |
Sentyabrın 23-də gecə və səhər hava şəraitinin tutqun olacağı, yarımadanın bəzi yerlərində qısamüddətli az yağış yağacağı gözlənilir.
Bu barədə Axar.az-a Ekologiya və Təbii Sərvətlər Nazirliyinin Milli Hidrometeorologiya Departamentindən bildiriblər.
Məlumata görə, Bakıda və Abşeron yarımadasında sabah günün ikinci yarısında havanın dəyişkən buludlu keçəcəyi ehtimal olunur. Gündüz mülayim cənub küləyi əsəcək.
Havanın temperaturunun gecə 17-20, gündüz 24-28 dərəcə isti olacağı gözlənilir. Atmosfer təzyiqi 758 mm civə sütunu, nisbi rütubət gecə 70-80, gündüz 55-60 faiz təşkil edəcək.
Bölgələrin hava durumuna gəlincə, gecə və səhər bəzi yerlərdə şimşək çaxacağı, yağış yağacağı, səhər ayrı-ayrı yerlərdə duman olacağı, hava şəraitinin gündüz əsasən yağmursuz keçəcəyi gözlənilir. Şərq küləyi əsəcək.
Havanın temperaturunun gecə 15-20, gündüz 27-32, dağlarda gecə 5-10, gündüz 16-21 dərəcə isti olacağı gözlənilir.
Tibbi-meteoroloji proqnoza gəlincə isə, sentyabrın 23-ü axşamdan 25-i səhərədək Abşeron yarımadasında atmosfer təzyiqinin kəskin tərəddüdü meteohəssas insanlar üçün əlverişsizdir.
Tarix
2014.09.22 / 14:10
|
Müəllif
Nigar İxtiyarqızı
|