Krım hökumətinin rəhbəri Sergey Aksenov Krım Tatar Məclisinin fəaliyyət göstərmədiyini bildirib.

Axar.az xəbər verir ki, Aksenov bunu Kommersant qəzetinə müsahibəsində deyib.

"Mənim fikrimcə hüquqi nöqteyi-nəzərdən belə bir təşkilat fəaliyyət göstərmir. Hansı Məclis? Bu təşkilat heç lazımınca qeydiyyatdan keçməyib", - Aksenov bildirib.

Onun sözlərinə görə, Məclis Krım tatarları arasında kifayət qədər nüfuza sahib deyil:

"Əgər sosioloji sorğu keçirilsə, görərsiz ki, Krım tatarlarının yalnız 15-20 faizi Məclisi dəstəkləyir".

Aksenov onu da qeyd edib ki, Krımın Rusiyaya birləşdirilməsini tanımamağa yönəlmiş hər bir addıma qanunla cavab veriləcək və çox sərt mövqe olacaq.