"Xarakter ilə ruh arasında inanılmaz əlaqə var".

Bu sözləri Axar.az-a açıqlamasında Rəhbərlik və Psixoloji Məsləhət Şöbəsinin müdiri Hüseyin Xəlilov insan xarakterinin ruhla əlaqəsindən danışarkən deyib.

Onun sözlərinə görə, xarakter həm irsi, həm də ruhi keyfiyyətlərə dayanır:

"İrsi keyfiyyətlər şəxsiyyətin genetik kodunu müəyyən edəcək, genetik xüsusiyyətlərindən gələn xarakterik xüsusiyyətləri daşıyan bir prosesdir. Ruhi keyfiyyətlərin əhəmiyyəti nədir? Ruhi dinamiklər, insanda cəmləşən əxlaq, ədəb, ərkan, davranış, münasibət, özünü təqdim və kəşf edə bilmək, mənəviyyat və qəlb aləmi - bunlar ruhi əhəmiyyət daşıyır. Xarakter elə bir prosesdir ki, onu kəşf etmək üçün genetik, sosial xüsusiyyətləri, həm də temperament tipini müəyyənləşdirmək və son nəticədə də ruhi dinamiklər vasitəsilə, ruhi, mənəvi xüsusiyyətlər nəticəsində öyrənmək lazımdır. Bu baxımdan da xarakter və ruh arasında inanılmaz sıx əlaqə var. Ona görə də xarakter insanda daim kəşf olunan prosesdir".