Avropada Təhlükəsizlik və Əməkdaşlıq Təşkilatının (ATƏT) sədri, İsveçrənin federal prezidenti Didye Burkhalter Ukraynadakı hadisələrin hərbi vəziyyətə gəlməsindən narahatlığını bildirib.

Axar.az-ın Ukrayna mətbuatına istinadən xəbərinə görə, o bu barədə ölkəsində yayımlanan RTS telekanalının canlı efirində deyib.

Burkhalter bildirib ki, indi onda Ukrayna ilə bağlı ən qaranlıq proqnozlar formalaşıb. Onun sözlərinə görə, sözügedən ölkədə müharibə ehtimalı ən yüksək həddə çatıb.

Bununla belə, o, diplomatik danışıqların aparılmasını və bu istiqamətdə Fransa və Almaniyanın səy göstərməsini vacib bilib.

Xatırladaq ki, bu gün digər mötəbər qurumun – Avropa Şurasının Baş katibi Torbyorn Yaqlandın Kiyevə səfəri nəzərdə tutulub.