Ana səhifə Planet |
Rusiya ziyalılarının nümayəndələri rus ordusunun Ukraynanı işğal etməsinə etiraz olaraq Moskvada təkadamlıq piket keçiriblər.
Axar.az xəbər verir ki, ölkənin bir sıra tanınmış ziyalıları Moskvanın küçələrində tək-tək dayanaraq əllərində Rusiyanın Ukraynaya ordu yeritməsinə etiraz edən plakatlar tutublar.
"Ejednevniy jurnal"ın baş redaktoru Aleksandr Rıklin aksiyanın rus ordusunun Ukraynaya yeridilməsi ilə bağlı keçirildiyini bildirib.
"Rusiya açıq təcavüzə başlayıb, Rusiya Ukraynaya qarşı döyüşür və bununla barışmaq imkansızdır", - Rıklın bildirib.
Jurnalist və yazar Viktor Şenderoviç küçədə, "Ukrayna ilə müharibə biabırçılıq və cinayətdir" yazılmış plakatla durub.
Aksiya təşkilatçıların polis tərəfindən həbsi ilə başa çatıb. Bir sıra tanınmış ziyalı həbs olunub.
Tarix
2014.09.01 / 11:12
|
Müəllif
Anar Əhmədov
|