Ana səhifə Planet |
Prezident Rəcəb Tayyib Ərdoğanın andiçmə mərasimindən dönən Rusiya Dövlət Dumasının spikeri Sergey Narışkin ölkəsi ilə Türkiyə arasında əlaqələrə toxunub.
Axar.az-ın Rusiya mətbuatına istinadən xəbərinə görə, o, iki ölkə arasında münasibətlərin artan xətt üzrə inkişaf etdiyini dilə gətirib.
Parlament sədrinin sözlərinə görə, Moskva və Ankara arasında əməkdaşlıq müxtəlif sahələri əhatə edir, bəzi istiqamətlərdə isə bu yaxınlıq strateji partnyorluq xarakteri daşıyır.
İki ölkə arasında mal dövriyyəsinin həcminə toxunan Narışkin diqqətə çatdırıb ki, hazırda bu rəqəm 33 milyard dollara çatıb. Hər iki tərəfin bir çox sahədə - turizm, ağır metallurgiya və neft məhsullarının nəqlində əməkdaşlıqda maraqlı oluduğunu xatırladan spiker bu günlərdə Ankarada açılan Rusiya Elm və Mədəniyyət Mərkəzinin fəaliyyətə başlamasından məmnunluq ifadə edib.
Tarix
2014.08.29 / 17:16
|
Müəllif
Ruslan Məmmədoğlu
|