Ana səhifə Gündəm |
İşğalçı Ermənistan Respublikasının Silahlı Qüvvələri son günlər fəallaşaraq Ermənistan-Azərbaycan dövlət sərhəddinin və qoşunların təmas xəttinin müxtəlif istiqamətlərində atəşkəs rejimini planlı şəkildə pozaraq Silahlı Qüvvələrimizin mövqelərinə basqın etmişlər.
Axar.az xəbər verir ki, bu açıqlamanı Azərbaycan Müdafiə Nazirliyi cəbhə xəttində bu gecə baş vermiş atışma və verdiyimiz şəhidlərlə bağlı yaydığı məlumatda bildirib. Məlumatda daha sonra qeyd olunur:
"Ermənistan ordusunun kəşfiyyat-təxribat qrupları cəbhə xətti boyunca qoşunların təmas xəttini keçməyə cəhd göstəriblər.
Silahlı Qüvvələrimizin bölmələri düşmənin bütün həmlələrini dəf etmiş, şiddətli döyüşlər nəticəsində ermənilər xeyli itki verərək geri çəkilməyə məcbur edilmişlər.
Nəticədə 3 gün ərzində gedən döyüşlərdə Azərbaycan Silahlı
Qüvvələrinin 8 nəfər hərbi qulluqçusu həlak olub.
Müdafiə Nazirliyi bildirir ki, cəbhə xətti Azərbaycan Silahlı
Qüvvələrinin tam nəzarəti altındadır və şəhid olmuş hərbi
qulluqçularımızın qanı yerdə qalmayacaqdır.
Müdafiə Nazirliyinin rəhbərliyi şəhidlərin valideynlərinə və yaxınlarına dərin hüznlə baş sağlığı verir və səbr diləyir!".
Tarix
2014.08.01 / 16:44
|
Müəllif
Axar.az
|