Ana səhifə Planet |
Kiyevli biznesmen Vyaçeslav Konstantinovski əksəriyyətin diqqətini çəkən hərəkətə imza atıb.
Axar.az-ın Ukrayna mediasına istinadən xəbərinə görə, o, "Rols Roys" avtomobilini sataraq, ordunun büdcəsinə köçürməyə, daha sonra isə anti-terror əməliyyatlarına qatılmaq üçün ölkənin şərqinə yollanmağa hazırlaşır.
Öz feysbuk səhifəsi üzərindən məsələni gündəmə gətirən Konstantinovski əvvəlki əyləncəli həyat tərzinin arxada qaldığını, hazırda əsas hədəfinin isə darda olan vətəni Ukraynanın gələcəyi üçün doğma torpaqlarını terrorçulardan təmizləmək olduğunu bildirib. O, hətta avtomobilini də elə sosial şəbəkə üzərindən satmağa hazır olduğunu qeyd edib.
Xatırladaq ki, qardaşı Aleksandrla restoranlar şəbəkəsinə nəzarət edən biznesmenlərin varidatı 355 milyon dollar civarında dəyərləndirilir. Bu, ukraynalı milyonçular siyahısında 44-cü sıra deməkdir.
Tarix
2014.08.01 / 00:52
|
Müəllif
Ruslan Məmmədoğlu
|