Ana səhifə Avto |
1957-ci il istehsalı olan bu "Moskviç" hər yerdə maraqla qarşılanır.
Axar.az xəbər verir ki, Bakı şəhər sakini Qasım Qasımzadəyə məxsus olan bu avtomobilin orijinal vəziyyətini saxlamaq üçün kifayət qədər vəsait xərclənib. Avtomobil həvəskarı olan Q.Qasımzadə avto-texnologiyanın hazırkı inkişafında bu avtomobili işlək vəziyyətdə saxlamaq üçün nə qədər xərclədiyini açıqlamayıb, amma satmaq niyyətində də deyil.
Onun sözlərinə görə, görənlərdə nostalji duyğu yaradan və diqqət mərkəzində olan "Moskviç"i qorumaq niyyətindədir:
"Bakıda insanları yeni texnologiya və ya ən son model avtomobillərlə təəccübləndirmək mümkün deyil. Hətta ən bahalı idman maşınları da insanlara o qədər də cəlbedici görünmür. Çünki Bakıda istənilən maşından hər addımbaşı görmək mümkündür. Ancaq etiraf edin ki, 57-ci ilin "Moskviç"i heç də hər yerdə görmək olmaz. Bu isə mənim xoşuma gəlir".
Tarix
2014.07.28 / 01:58
|
Müəllif
Axar.az
|